by Nosautres de l’Assemblada Occitana Valadas prenèm una posicion fòrta còntra las propòstas de lei que venon dels Fraires d’Itàlia sus la proteccion de la lenga italiana. Son de propòstas inacceptablas, que riscan de metre en perilh 50 ans de proteccion de las minoranças lingüisticas dins l’Estat italian.
Se lo govèrn, de verai, assaja de protegir la lenga italiana còntra l’us dels anglicismes, que comence el meteis de non los utilizar pas dins los noms dels sits institucionals! Per còntra, s’assaja de far de propaganda grossiera, a aquel partit de majoritat relativa en Itàlia, li chal saber que risca de far un damatge irreparable a la cultura e a las minoranças lingüisticas! En França, sota la segonda presidéncia de Mitterrand, en 1992, s’introduguèc la proteccion de la lenga francesa dins la constitucion (article 2), e dempuei se blòca de fach totas las tempativas de protegir las lengas minoritàrias!
Govèrn Meloni, se pensatz de tochar las minornaças lingüisticas, sapiatz que trobaretz en nosautres un obstacle fòrt!
