L’Assemblada Occitana Valadas per una província occitana dins las Valadas Occitanas de l’estat italian

Comunicat · 22.07.2020

L’Assemblada Occitana demanda a las comunas, a las regions e al Govèrn italian de crear una província occitana dins nòstras Valadas. La nòva província portariá a una mai granda autonomia a las nòstras montanhas per: 

  • La gestion de las rotas,
  • La gestion de las chausas de l’escòla (una ora de lenga occitana, tant per començar),
  • La gestion de la montanha e del trabalh (especialament sus l’agricultura montanhòla, ren solament sus aquela de la planura).

Coma Assemblada Occitana, creèm que la província occitana deuriá èstre reconogua coma region autonòma, coma es per las províncias de Trent e Bozen. Seriá decò necessari que la nòva província comptèsse qualques parlamantaris garentits coma minorança lingüistica. 

L’Assemblada Occitana, pròcha del mond occitan, totjorn!


[Grafìo de l’Escolo doou Po]

L’Assemblada Occitana demando a les Coumunos, a les Rejoun e al Goubern itaian de crear na Prouvinso Ousitano din nouostros valados. La novo Prouvinso pourtario a na mai grando aoutounoumio a les nouostros mountanhos per: 

  • La jestìen de les roùtos,
  • La jestìen les càouzos de l’escolo (n’òouro de lengo ousitano, tant per coumensar),
  • La jestìen de la mountanho e del trabai (specialment sus l’agricoulturo mountano, ren soulament sus aquelo de la plano).

Coumo Assemblada Occitana creiem que la Prouvinso Ousitano doourio estre recounouissuo coumo Rejoun Aoutànomo, coumo es per les Prouvìnsos de Trent e Boulsan. Sario decò nesesari que la novo Prouvinso countéisso carque parlamentar garantì coumo minouranso linguistico.

L’Assemblada Occitana da proche dal mounde ousitan, toutjourn!

ASSEMBLADA OCCITANA
Ais de Provença
www.assemblada.org
info@assemblada.org

Daissar un comentari

Vòstra adreça de messatjariá serà pas publicada. Los camps obligatòris son indicats amb *