21.04.2024

REJONH L’ASSEMBLADA OCCITANA!

Podètz participar a l’Assemblada Occitana en tant que persona
sòcia, collaboradora ò simpatizanta

 

1. SÒCIS

Las sòcias e los sòcis son totas las personas fisicas majoras, de tota origina, de tota nacionalitat, de tota cultura, de tota classa sociala, de tota posicion democratica, que s’engatjan a trabalhar per realizar los objectius de l’Assemblada Occitana.

La sòcias e los sòcis benefícian de totes los dreches e son someses a totas las obligacions previstas dins los Estatuts de l’Associacion.


2. COLLABORADORS

Las collaboradoras o los collaboradors son las personas que, malgrat que sián pas de sòcis de l’associacion, se senton engatjadas amb sas finalitats e vòlon trabalhar activament dins las accions e activitats de l’associacion.

Las collaboradoras o los collaboradors poiràn portar de contribucions financièras volontàrias a l’associacion.


3. SIMPATIZANTS

Las simpatizantas e los simpatizants son las personas que tròban un interès dins los objectius de l’Assemblada Occitana e que vòlon recebre d’informacions de sas activitats, en tot causir de se registrar pas coma sòcis ni coma collaboradors. 

Los simpatizantas pòdon assistir a de reünions de l’associacion se i son convidadas, pasmens i an pas drech de vòte.

Los simpatizants pòdon portar de contribucions financièras volontàrias a l’associacion.