Las valors istoricas e tradicionalas del movement occitan son:
- la defensa dels dreches del pòble e dels interèsses del país,
- la democracia,
- l’umanisme,
- lo respècte de l’environament.
Son las valors dels tres grands pensadors de l’occitanisme que son Frederic Mistral, Robèrt Lafont e Francés Fontan. Son las valors de l’Assemblada Occitana.
Dins lo movement occitan, l’Assemblada Occitana encoratja l’expression de totas las tendéncias politicas que son clarament democraticas e umanistas, per exemple:
- l’ecologisme,
- l’anarquisme,
- lo comunisme e lo socialisme democratics,
- la socialdemocracia,
- lo centrisme,
- lo liberalisme umanista,
- lo conservatisme umanista…
Per tant, ramentam que certanas tendéncias politicas rèstan incompatiblas amb las valors de l’occitanisme. Refusam en particular:
- Totas las formas d’òdi en general (racisme, chauvinisme, masclisme, omofobia…).
- L’extrèma drecha (nacionalpopulisme, neofaissisme, neonazisme, ideologia roja-bruna…).
- Certans corrents totalitaris que deforman lo comunisme (stalinisme, maoïsme, juche nòrd-corean, interpretacions autoritàrias del leninisme e del trotskisme).
- Lo fanatisme religiós.
- Lo conservatisme ultrareaccionari que s’opausa al feminisme, als omosexuals e a la diversitat religiosa e sociala…
- Lo capitalisme salvatge que fisa lo poder a de grandas bancas e a de lobbys.
- Las tecnocracias qu’escapan al contraròtle dels ciutadans.
Certanas personas e organizacions utilizan la lucha contra d’injustícias (capitalisme salvatge, imperialismes…) coma pretèxt per justificar totas menas de crimes e de derivas sectàrias e religiosas. Aquelas posicions son de segur inacceptablas.