22.05.2024

Er occitan maumiat en Estat espanhòu?

Eth cap deth govèrn catalan, Pere Aragonès, ei interpelat pes defensors der occitan en Estat espanhòu.

Segon era associacion occitana e catalana CAÒC (Cercle d’Ahrairament Occitanocatalan), era oficialitat der occitan ei en dangèr ena Val d’Aran. Era naua lei deth catalan a l’escòla “dèishe entièrament desprotegida era lengua occitana”. Eth CAÒC denóncie ua politica que met en risc era unitat e era promocion dera lengua occitana. Tanben critiquen çò que considèren “ua fòrça discutibla reparticion des subvencions entara promocion der occitan en Catalonha” (ligam).

Era Assemblada Occitana se junte ath CAÒC pera demanda de cambiament des politiques de proteccion e de promocion der occitan laguens era entitat administratiua de Catalonha.

Er occitan (gascon pirenenc aranés) ei era lengua autoctòna dera region semiautonòma dera Vath d’Aran, en Catalonha. Er occitan ei, atanben, ua lengua oficiala de tota era entitat administratiua de Catalonha. De hèt, er occitan ei era cinquau lenga constitucionau der Estat espanhòu.

Fotografia: Thomas Julin (format modificat)