by L’Assemblada Occitana Valadas pilha posicion sus lo novèl dessenh dels collègis electorals italians, après l’aprobacion del referendum sus l’aplicacion de la reforma constitucionala, lo 21 de setembre de 2020, que retalha lo nombre de parlamentaris.
Avèm escrich e enviat una letra, lo 5 de setembre, als parlamentaris de las minoranças lingüisticas que son presents al parlament (Albert Laniece, Julia Unterberger, Meinhard Durnwalder, Dieter Stager, Ciaburro Monica, Costa Enrico, Gastaldi Flavio e Dadone Fabiana), durant la quala invocavan un collègi electoral dins nòstras Valadas Occitanas.
Aquela demanda es estaa purament ignoraa per totes nòstres representants locals. Senhalam que s’es pas adreiçat al govèrn deguna demanda de modificacion dels collègis per las regions Piemont e Ligúria (ont se tròban nòstras Valadas Occitanas) e Calàbria (ont se tròba la comuna occitana de la Gàrdia). Recordam que la nòstra lenga es protegia al nivèl estatal per la lei 482 de 1999 amb d’autras minoranças lingüisticas. Los parlamentaris de Friol-Venècia Júlia an recomandat de modificar los collègis electorals en favor de la minorança eslovèna. Per la nòstra lenga occitana, per còntra, se n’es pas fach deguna mençon!
L’Assemblada Occitana Valadas s’activarà per fin que la nòstra lenga occitana siá protegia al nivèl local e al nivèl estatal.
L’Assemblada Occitana Valadas, del costat dels occitans, sempre!
