by L’Assemblada Occitana exprimís una totala solidaritat amb los trabalhaors de Caffarel de Lusèrna Sant Joan.
Caffarel es una entrepresa que produtz de chocolat a Lusèrna Sant Joan dempuei mai de 200 ans. La Val Pèlis es una zòna economicament deprimia (coma fòrça autras Valadas Occitanas que dependon de l’estat italian e de las regions Piemont e Ligúria).
Lo 14 de junh, la direccion de Lindt (multinacionala proprietària de la marca Caffarel dempuei 1998) a declarat de non poer garentir lo trabalh als 328 obriers (coma declarat per una deputaa de L’Alternativa c’è). Quand en 1998 Lindt aqueriguèc Caffarel en Val Pèlis, se pensava que i poguèsse aver un fòrt reviscòl de la marca al nivèl internacional, mas al contrari s’es relevat coma una accion per voidar un concurrent.
Dins la fabrica son presentas màgerment de femnas de mai de 40 ans. Pensam qu’es inacceptable lo silenci del govèrn italian sus l’afaire. Sostenèm chasca iniciativa en favor dels obriers de Lusèrna Sant Joan.
Chamam totes a avalorar la possibilitat de crear una cooperativa amb los obriers que ja trabalhan dins la fabrica (coma ja s’es passat dins d’autres contèxts dins nòstras Valadas) per sauvar los emplecs e la marca.
Cal gardar tota la linha ferroviaire Coni Nissa e electrizar per energia renouvelable la traccion contra lo Rescaufament climatic e la pollucion mortala de l’air. Cal reporter lo mai possible de trafic viatjaires e fret de la rota al ralh !!!