by L’Assemblada Occitana planh lo dòu après la despartida de dos grands actors de l’occitanisme politic e culturau en Provença.
Anna Maria Poggio èra una militanta politica dau Partit Occitan (Federacion Provençala) e una responsabla culturala fòrça importanta de l’Institut d’Estudis Occitans (seccions de Provença e dei Boca de Ròse). Participèt a fòrça òbras pedagogicas en provençau. Son trabalh enòrme e constant a contribuit a far de l’IEO una associacion de referéncia per la cultura provençala. A l’escala de tota Occitània, tenguèt un ròtle dinamic a l’IEO nacionau e dins l’organizacion dei grandei manifestacions unitàrias Anem Òc.
Romieg Jumèu s’es fach conéisser coma un escrivan productiu e energic en provençau, que sei libres an enriquit nòstra literatura occitana e n’an accentuat lei tèmas mai contemporanèus. Tanben foguèt un militant engatjat en politica, que collaborèt amb Robèrt Lafont per reorganizar l’occitanisme politic dins leis ans 1990-2000 e per lo metre mai en relacion amb la societat civila. Romieg Jumèu tenguèt un ròtle uman important per butar a s’endevenir d’occitanistas politics qu’apertenián a de tendéncias e de generacions diferentas.
Cultivam la memòria d’aquelei doas personalitats valentas.
