by « Lo novèl nom de la region que fusiona Lengadòc-Rosselhon e Miègjorn-Pirenèus a creada una ambigüitat. D’unes sabon pas pus s’ « Occitània » designa una region administrativa francesa a l’entorn de Tolosa e Montpelhièr, o se se tracta de tot lo país, qu’es fòrça mai vast qu’aquela region.
Volèm al contrari afirmar amb fòrça qu’aimam e defendèm amb lo meteis estrambòrd tota Occitània, del nòrd al sud e de l’oèst a l’èst. Per ansin avèm bandit despuèi qualques jorns, a partir de nòstra campanha Facebook, una campanha per afortir que cada territòri occitan tanben es Occitània. Cada jorn publicam un novèl imatge consagrat a una partida d’Occitània.
Convidam nòstres compatriòtas e totes los amics de nòstre país a partejar sus los rets socials e endacòm mai aqueles imatges per que digam ensems: « Aicí tanben es Occitània! » (Sorsa: Iniciativa per Occitània).
L’ANÒC sosten la campanha d’Iniciativa per Occitània “Aicí tanben es Occitània”.
