De mesuras sanitàrias estranhas dins las Valadas Occitanas

Comunicat · 10.11.2020

L’Assemblada Occitana Valadas respècta las mesuras de contenement del virus. I a de chausas que capissèm pas totun.

Lo covid-19 s’es difondut tanben dins nòstras Valadas. Retenèm que las mesuras pilhaas riscan d’èsser inutilas o pas facilas de far respectar. Pensam que laissar quasi totes los negòcis dobèrts mas vedar a las personas de sortir de casa es una chausa sensa sens. Dins las vilas los contraròtles seràn dificils. Dins las Valadas, als ciutadans lor serà proïbit d’anar als supermerchats pus pròches mentre que, dins las vilas, se poirà anar en perfumariá…

Chamam lo govèrn a chambiar los decrets per non penalizar los vilatges de las Valadas Occitanas. I a de derogacions que creèm qu’an de s’inserir dins lo decret del president del conselh dels ministres (DPCM). Totas las comunas occitanas dependent de l’estat italian (franc de Triueira e Auriveta) son en zòna roja (compresa la Gàrdia). 

En tot cas ramentam la necessitat de la prudéncia maximala. Lo virus es perilhós.

ASSEMBLADA OCCITANA
Ais de Provença
www.assemblada.org
info@assemblada.org

Daissar un comentari

Vòstra adreça de messatjariá serà pas publicada. Los camps obligatòris son indicats amb *