by L’Assemblada Occitana condemna l’acte terrorista afrós que s’es passat dins la Basilica Nòstra Dòna de Niça, encuei, aqueste 29 d’octòbre dau 2020. Avèm un pensier esmogut per li victimas innocenti e exprimissèm la nòstra solidaritat ai pròches.
Siam au costat de la populacion de Niça e dei autoritats per combatre lo terrorisme emb determinacion.
Segon lo cònsol màger de Niça, lo terrorista auria cridat “Allahu akbar” e, doncas, es un fanatic islamista qu’a atacat de crestians dins una glèia.
La populacion de Niça, e de l’ensemble d’Occitània en generau, patissèm terriblament lo terrorisme islamista despí tant d’annadas, de maniera repetitiva. Lo patissèm coma d’autri populacions dins lo Mond. Maugrat la pena que nos frapa, non baissam la tèsta davant lo fanatisme e lo terror. Defendèm li nòstri libertats de creire ò de non creire en cen que volèm. Defendèm la nòstra seguretat. Si mobilizam mai que jamai.
