by L’Assemblada Occitana sosten las mobilizacions popularas dels 10 e 18 de setembre de 2025 dins l’estat francés. Volèm mai de justícia sociala, volèm mai de democracia e volèm viure dignament dins nòstre país d’Occitània que va dels Alps a l’Atlantic e de Borbonés als Pirenèus.
Es pas en chamjant de primèir ministre que l’estat francés resolverà los problèmas grèus que tòchan las classas popularas e mejanas.
Los centristas, la dreita e lo PS se preocupan pas del pòble. L’extrèma dreita es un dangèir public. LFI es un partit centralista, antioccitan, antiprogressista e antidemocratic. Lo PCF e los Verds son pas pro fòrts per melhorar la situacion.
La solucion per defendre las classas popularas e mejanas, e per viure al país, pòt venir solament…
- De la mobilizacion del pòble per obténer mai de justícia sociala e per n’achabar amb la brutalitat de la vida economica.
- D’un chamjament radical d’aquesta «democracia» francesa qu’es tròp centralizada, tròp verticala, tròp presidenciala e tròp luenh del pòble. Quò es çò que vòl la majoritat de la populacion (sondatge IFOP-RP&S, 25 d’aost de 2025).
- D’una autonomia de la regions e del dreit a l’autodeterminacion del pòble occitan. Quò es çò que vòl la majoritat de la populacion (sondatge IFOP-RP&S, 25 d’aost de 2025).
- D’una promocion seriosa de l’occitan e de las autras lengas minorizadas. Quò es çò que vòl la majoritat de la populacion (sondatge IFOP-RP&S, 25 d’aost de 2025).
- D’una alternativa politica coratjosa per renovar la vida democratica e sociala: e los movements politics occitans i devon jogar un ròtle clau.
Aquestas revendicacions, nosautres de l’Assemblada Occitana, las proclamam net e clar dempuei la creacion de nòstre movement en 2015.
Volèm viure al país!
Per la libertat d’Occitània!
Imatge: Superbenjamin – Creative Commons Attribution-Share Alike 4.0
