by L’Assemblada Nacionala Occitana (ANÒC) qu’ei hèra esmoguda e trista en aprene la desparicion deu gran enciclopedista Andrieu Dupuy. Que planh lo dòu a la soa familha e aus sons amics.
Andrieu Dupuy que publiquèc libes de vulgarizacion importants e utils, de tipe enciclopedic, entà presentar au gran public ua informacion equilibrada sus Occitània, la sua istòria, la sua geografia, la sua economia e los sons personatges celèbres. Que cau mençonar Petite encyclopédie occitane (1972, reedicion de 1973), Encyclopédie occitane (1989) e Histoire chronologique de la civilisation occitane (en tres volums, 1998). Aqueths obratges que representan una trabalh impressionant d’erudicion, de vulgarizacion e de pedagogia. Andrieu Dupuy que da au legedor ua vision equilibrada demest los diferents periòdes istorics e demest la diversitat de las regions d’Occitània: de Gasconha a las Valadas aupencas e de Borbonés aus Pirenèus…
En mei de la sua vision globala sus Occitània, Andrieu Deupuei que hascoc tanben ua òbra importanta entà har conéisher la sua encontrada d’origina, Lomanha, e mei largament la sua region d’origina, Gasconha. Qu’escrigoc libes sus la cultura de Gasconha e qu’animèc associacions entà valorizar la personalitat de Lomanha.
Que cultivaram activament la memòria d’aqueth gran òme.
