22.05.2024

De libres, de CDs e de DVDs en occitan dins totas las mediatècas d’Occitània!

L’Assemblada Occitana apèla cada occitan, occitanofòn o non, a demandar amb constància e fermetat la preséncia de libres, de CDs e de DVDs dins totas las mediatècas d’Occitània e qu’aquestes supòrts sián botats a posita del public, plan en evidéncia. Se deu insistir per que i aja de documents variats e a destinacion de totes los atges, de la pichona enfança fins a l’atge adult, sens oblidar los adolescents. La produccion literària e audiovisuala en lenga occitana existís e es pro rica per satisfar totes los besonhs.

  • Per la produccion literària: l’Espaci Occitan dels Aups, la Tuta d’Òc, l’Ostal del Libre (Découvertes occitanes), la Librariá Occitana de Lemòtges…
  • Per los supòrts audiovisuals: Contam (existís un abonament OC VOD).