Aigat catastrofic dins las Vals de Vermenanha, Ròia, Vesubiá e Tiniá

Comunicat · 04.10.2020

Divendres 2 de setembre una perturbacion de portaa istorica a frapat las vals occitanas de vermenanha, Ròia, Vesubiá e Tiniá.

De personas son mòrtas o despareguas. Se registra de damatges nombrós dispersats en la Val de Ròia. Lo cònsol màger de Brelh de Ròia parla de bilanç catastrofic. I a de vilatges que son son totalament isolats e que se pòon rejónher mas que per via aeriana. L’estraa que de Coni mena a ventemilha (estraa estatala 20, del Còl de Tenda) es totalament impracticabla del latz de Ròia. Se senhala de damatges pereu sus la linha ferroviària Coni-Niça a l’autor de Sant Darmatz de Tenda. Los abitants de la Val de Ròia demandan de visibilitat dins los mèdias francés.

L’Assemblada Occitana exprimís sa solidaritat als residents de las vals e manda una abraçaa fòrta als familiars frapats per aquesta tragèdia. Los secors se son mobilizats en fòrça. Disèm nòstres grandmercés a aqueles qu’an portat los primiers secors. 

Esperam una restructuracion rapida de las estraas dins l’interès dels residents, de l’economia e del torisme. Dins las reparacions, serà indispensable d’estudiar mai las nòrmas de seguretat e los riscs naturals qu’evolucionan a causa del chambiament climatic.

ASSEMBLADA OCCITANA
Ais de Provença
www.assemblada.org
info@assemblada.org

Daissar un comentari

Vòstra adreça de messatjariá serà pas publicada. Los camps obligatòris son indicats amb *