by Que vien de s’acabar lo Tornei de las Sheis Nacions, ua competicion de rugbi qui’s debana cada an dempuish 1882 e qui amassa sheis esquipas reputadas representar senglas nacions.
Totun, en realitat, non i a pas sheis nacions mes qüate (Anglatèrra, Escòcia, Irlanda, lo País de Galas) e dus estats (França e Itàlia).
Aqueu contrast que demòstra la coabitacion entre duas visions de la nacion completament diferentas:
- La vision etnoculturala.
- La vision jacobina qui mescla los concèptes d’estat e de nacion.
Possada a l’extrèm, la logica jacobina qu’auré volut un tornei de qüate “nacions” comprenent França, Itàlia, la Republica d’Irlanda e lo Reiaume Unit.
Los país dits “anglosaxons” que partejan la vision etnoculturala en reconeishent, aumens au nivèu esportiu, las nacions escocesa e galesa qui son distintas de la nacion anglesa. Tanben que reconeishen l’unitat de la nacion irlandesa (lo XV d’Irlanda qu’amassa l’Irlanda deu Nòrd e l’Irlanda deu Sud).
Aplicada aus estats francés e italian, aquera vision que permeteré la participacion a las competicions internacionalas de nacions taus coma Occitània, Bretanha, lo Bascoat, Corsega, Sardenha, Friol, etc.
Considerar las esquipas deus estats francés e italian coma las de nacions, qu’ei aderir a la vision jacobina de la nacion. Qu’ei aderir a ua ideologia qui nèga l’existéncia de la nòsta nacion, de la nòsta lenga e de la nòsta cultura occitanas puish que cèrca de ns’assimilar de fòrça a l’identitat nacionala francesa.
Lo XV de França non representa pas Occitània. Que desiram que los jogaires occitans qui ne compausan la gròssa majoritat e formen meilèu un XV d’Occitània. Ua esquipa nacionala d’Occitània que seré aumens tan legitima coma las esquipas d’Escòcia, de Galas o d’Irlanda.
M’agrada molt la vostra visió de Nació i la d’Estat, en aquest cas aplicat al torneig de rugby. Una vegada més el jacobinisme imposant-se a la raó.