Solidaritat amb April Benayom, la representanta de Provença: luchem còntra l’antisemitisme
L’Assemblada Occitana es totalament solidària amb Miss Provença, April Benayom, en fàcia deis atacas antisemitas que subís dempuei Twitter.
Pendent lo concors televisat de Miss França, April Benayom expliquèt qu’a d’originas fòrça divèrsas e entretant israelianas. Après aquela declaracion, leis atacas antisemitas delirantas comencèron.
En Provença —e pus largament en Occitània—, siam fòrça gents qu’avèm d’originas multiplas e totei nòstreis originas son respectablas.
L’Assemblada Occitana a de resèrvas sus lo concors Miss França qu’es masclista, tresanat e plen de chauvinisme francés. Mai uei, l’urgéncia es que mostrem una solidaritat totala amb April Benayom qu’a drech de parlar de seis originas israelianas e qu’a drech de representar Provença.
Sostenèm leis enseguidas judiciàrias còntra lei atacas racistas sus Internet.
