by Aprenèm qu’Yvan Colonna, lo celèbre presonier còrs, es en estat de mòrt cerebrala après subir una agression dins la preson d’Arle (Provença, Occitània). Son agressor es un presonier fanatic jihadista, ja senhalat per sa violéncia en preson. La mòrt cerebrala d’Yvan Colonna s’apond a una lònga sèria d’eveniments escurs e complèxes.
Yvan Colonna èra en preson perque la justícia l’acusava de l’assassinat dau prefècte Claudi Erinhac, subrevengut en Corsega en 1998. Mai Yvan Colonna aviá proclamat sempre son innocéncia dins aquel afaire. E certanei personas, que l’avián acusat au començament de l’afaire, levèron leis acusacions pus tard.
Es evident que condemnam la violéncia politica e l’assassinat dau prefècte Claudi Erinhac. Mai, en parallèl, nos pausam de questions sus la culpabilitat supausada d’Yvan Colonna que nos sembla ges evidenta.
Sabèm pas se Colonna es un copable vertadier o s’es un bòchi emissari qu’a subit una sòrta de venjança. E ara: a quau profiecha sa mòrt violenta e sobda?
Aquesta agression es un escàndol de mai que demòstra la manca cronica de seguretat e de salubritat dins lei presons. Esperam qu’un jorn sauprem la veritat completa sus toteis aquesteis eveniments.
Fòtografia: Thierry Hermann (format modificat)
Colonna fuguessa einocent de l’assassinat d’Erinhac, ne’n demòra pas mens qu’era un activista que fasiá partida d’una organisaciu terroriste. Dise ‘quò dise res.