Manifestem entà l’ensenhament de l’occitan: lo 13 de març a Tarba e lo 20 de març a Ais de Provença!
L’Assemblada Occitana que sostien las navas mobilizacions entà defénder l’ensenhament public de l’occitan.
- Dimècres 13 de març, a Tarba, a 14 oras, davant l’antena deu Ministèri de l’Educacion, 13 Carrèra Jòrdi Manhoac [13 r. Georges Magnoac]. Vienètz dab los vòstes siulets, megafòns e trompetas entà miar brut!
- Dimècres 20 de març, a Ais de Provença, a 14 oras, Plaça Lucien Paye, davant lo Rectorat.
Que’ns tienèm au costat deus professors d’occitan, deus escolans, deus parents d’escolans e de la FÈLCO (Federacion deus Ensenhaires de Lenga e Cultura d’Òc).
Qu’exigishèm un ensenhament digne de l’occitan, disponible tà tots, de la mairala a l’universitat, dab mejans solids e un sostien seriós deus poders publics.
A tèrme, que lutam entà l’ensenhament normau e obligatòri de l’occitan, coma matèria deu sòcle comun, dens totas las escòlas deu nòste país d’Occitània, deus Aups a l’Atlantic.
***
En 2019, l’Assemblada Nacionala Occitana deven l’Assemblada Occitana.
